Class – 6th Science (sem 1&2)
Top 200 Bits
6th Class Science 100 Bits in Telugu. Semester 1 Science ముఖ్యమైన ప్రశ్నలు మరియు సమాధానాలు. TET, DSC మరియు ఇతర పోటీ పరీక్షలకు ఉపయోగకరమైన 6వ తరగతి సైన్స్ Bits.
1. ఆహారంలోని ప్రధాన పోషకాలు ఏవి? – కార్బోహైడ్రేట్లు, ప్రోటీన్లు, కొవ్వులు, విటమిన్లు మరియు ఖనిజాలు.
2. శరీరానికి శక్తినిచ్చే పోషకాలు ఏవి? – కార్బోహైడ్రేట్లు మరియు కొవ్వులు.
3. శరీర పెరుగుదల మరియు మరమ్మత్తుకు ఏవి అవసరం? – ప్రోటీన్లు.
4. వ్యాధుల నుండి మన శరీరాన్ని రక్షించేవి ఏవి? – విటమిన్లు.
5. విటమిన్ ‘ఎ’ లోపం వల్ల వచ్చే వ్యాధి ఏమిటి? – దృష్టి లోపం లేదా రేచీకటి.
6. బెరిబెరి వ్యాధి ఏ విటమిన్ లోపం వల్ల వస్తుంది? – విటమిన్ బి1.
7. స్కర్వీ వ్యాధి దేని లోపం వల్ల వస్తుంది? – విటమిన్ సి.
8. ఎముకలు వంగిపోయే రికెట్స్ వ్యాధికి కారణం ఏమిటి? – విటమిన్ డి లోపం.
9. రక్తహీనత (అనీమియా) దేని లోపం వల్ల వస్తుంది? – ఇనుము (ఐరన్).
10. గాయిటర్ వ్యాధి ఏ ఖనిజ లోపం వల్ల వస్తుంది? – అయోడిన్.
11. పిండిపదార్థాన్ని (స్టార్చ్) పరీక్షించడానికి దేనిని ఉపయోగిస్తారు? – అయోడిన్ ద్రావణం.
12. అయోడిన్ వేసినప్పుడు స్టార్చ్ ఏ రంగులోకి మారుతుంది? – ముదురు నీలం లేదా నలుపు.
13. ప్రోటీన్ల నిర్ధారణకు ఉపయోగించే ద్రావణాలు ఏవి? – కాపర్ సల్ఫేట్ మరియు కాస్టిక్ సోడా.
14. కాగితంపై ఏర్పడే నూనె మరక దేని ఉనికిని సూచిస్తుంది? – కొవ్వులు.
15. ‘బాడీ బిల్డింగ్ ఫుడ్స్’ అని వేటిని పిలుస్తారు? – ప్రోటీన్లు ఉన్న ఆహారాన్ని.
16. సూర్యరశ్మి ద్వారా మన శరీరం ఏ విటమిన్‌ను తయారు చేసుకుంటుంది? – విటమిన్ D.
17. ఆహారంలో ఉండే పీచు పదార్థాలను ఏమంటారు? – రఫేజ్ (Roughage).
18. జీర్ణం కాని ఆహారాన్ని బయటకు పంపడంలో ఏవి సహాయపడతాయి? – పీచు పదార్థాలు.
19. ఆహారం నుండి పోషకాలను గ్రహించడానికి శరీరానికి ఏది అవసరం? – నీరు.
20. అన్ని పోషకాలు సరైన నిష్పత్తిలో ఉన్న ఆహారాన్ని ఏమంటారు? – సమతుల్య ఆహారం
21. కాంతిని తమ గుండా పూర్తిగా పోనిచ్చే పదార్థాలను ఏమంటారు? – పారదర్శక పదార్థాలు.
22. కాంతిని తమ గుండా అస్సలు పోనివ్వని పదార్థాలను ఏమంటారు? – అపారదర్శక పదార్థాలు.
23. కాంతిని పాక్షికంగా మాత్రమే పోనిచ్చే పదార్థాలను ఏమంటారు? – పాక్షిక పారదర్శక పదార్థాలు.
24. నీటిలో పూర్తిగా కరిగిపోయే పదార్థాలను ఏమంటారు? – కరిగే పదార్థాలు (Soluble substances).
25. నీటిలో కరగని పదార్థాలను ఏమంటారు? – కరగని పదార్థాలు (Insoluble substances).
26. నీటిలో కరిగే ఒక వాయువుకు ఉదాహరణ ఏమిటి? – ఆక్సిజన్.
27. నీటిపై తేలే ఒక పదార్థానికి ఉదాహరణ ఇవ్వండి. – ఎండిన ఆకు లేదా చెక్క.
28. నీటిలో మునిగే పదార్థానికి ఉదాహరణ ఏమిటి? – రాయి లేదా ఇనుప మేకు.
29. కాంతిని పరావర్తనం చేసే మెరిసే లక్షణాన్ని ఏమంటారు? – ద్యుతి (Lustre).
30. సులభంగా నొక్కగలిగే లేదా గీకగలిగే పదార్థాలను ఏమంటారు? – మృదువైన పదార్థాలు.
31. నొక్కడానికి కష్టంగా ఉండే గట్టి పదార్థాలను ఏమంటారు? – కఠినమైన పదార్థాలు.
32. నూనె నీటిలో కరుగుతుందా? – కరగదు, పైన వేరు పొరను ఏర్పరుస్తుంది.
33. పారదర్శక పదార్థానికి ఉదాహరణ ఏమిటి? – గాజు, నీరు.
34. అపారదర్శక పదార్థానికి ఉదాహరణ ఏమిటి? – చెక్క, లోహం.
35. పాక్షిక పారదర్శక పదార్థానికి ఉదాహరణ ఏమిటి? – నూనె రాసిన కాగితం.
36. లోహాలకు ఉదాహరణలు ఏవి? – ఇనుము, రాగి, అల్యూమినియం.
37. మిశ్రమాల నుండి రాళ్లను ఏ పద్ధతి ద్వారా వేరు చేస్తారు? – చేతితో ఏరడం (Handpicking).
38. ధాన్యాన్ని కాడల నుండి వేరుచేసే పద్ధతిని ఏమంటారు? – నూర్పిడి (Threshing).
39. గాలి సాయంతో బరువైన మరియు తేలికైన పొట్టును వేరుచేయడాన్ని ఏమంటారు? – తూర్పారబట్టడం
40. పిండి నుండి మలినాలను వేరు చేయడానికి ఏ పద్ధతి వాడతారు? – జల్లించడం (Sieving).
41. నీటిలోని బరువైన మట్టి కణాలు అడుగు భాగానికి చేరడాన్ని ఏమంటారు? – అవక్షేపణ (Sedimentation).
42. అవక్షేపం చెదరకుండా పైనున్న నీటిని వేరుచేయడాన్ని ఏమంటారు? – తేర్చడం (Decantation).
43. ఫిల్టర్ పేపర్ ద్వారా ద్రవాలను, ఘన పదార్థాలను వేరు చేయడాన్ని ఏమంటారు? – వడపోయడం
44. ద్రవం వాయువుగా మారే ప్రక్రియను ఏమంటారు? – బాష్పీభవనం
45. నీటి ఆవిరి ద్రవంగా (నీరుగా) మారే ప్రక్రియను ఏమంటారు? – సాంద్రీకరణం (Condensation).
46. సముద్రపు నీటి నుండి ఉప్పును ఏ పద్ధతి ద్వారా పొందుతారు?- బాష్పీభవనం.
47. ఒక ద్రావణంలో మరింత పదార్థం కరగలేని స్థితిని ఏమంటారు?- సంతృప్త ద్రావణం
48. వేడి చేయడం ద్వారా ద్రావణంలో పదార్థం కరిగే సామర్థ్యం ఏమవుతుంది? – పెరుగుతుంది.
49. పన్నీర్ (Paneer) తయారీలో ఏ పద్ధతి వాడతారు? – వడపోయడం.
50. మట్టి నీటి మిశ్రమం నుండి మట్టిని ఎలా వేరు చేస్తారు? – తేర్చడం మరియు వడపోయడం ద్వారా.
51. ఆకుపచ్చని మరియు లేత కాండం కలిగిన చిన్న మొక్కలను ఏమంటారు? – గుల్మాలు (Herbs).
52. కాండం మొదలు దగ్గర కొమ్మలు ఉండే మొక్కలను ఏమంటారు? – పొదలు
53. పొడవైన, లావైన మరియు కఠినమైన కాండం ఉన్న మొక్కలను ఏమంటారు? – చెట్లు (Trees).
54. నేలపైన పాకే బలహీన కాండం గల మొక్కలను ఏమంటారు? – పాకే మొక్కలు
55. ఆసరా తీసుకుని పైకి ఎగబాకే మొక్కలను ఏమంటారు? – ఎగబాకే మొక్కలు
56. ఆకును కాండంతో కలిపే భాగాన్ని ఏమంటారు? – పత్ర వృంతం (Petiole).
57. ఆకులోని వెడల్పాటి ఆకుపచ్చని భాగాన్ని ఏమంటారు? – పత్రదళం (Lamina).
58. ఆకులపై ఉండే రేఖల వంటి నిర్మాణాలను ఏమంటారు? – ఈనెలు (Veins).
59. ఆకు మధ్యలో ఉండే ప్రధానమైన ఈనెను ఏమంటారు? – నడిమి ఈనె (Midrib).
60. ఆకుపై ఈనెల అమరికను ఏమంటారు? – ఈనెల వ్యాపనం (Venation).
61. వల ఆకారంలో ఉండే ఈనెల అమరికను ఏమంటారు? – జాలాకార ఈనెల వ్యాపనం (Reticulate venation).
62. సమాంతరంగా ఉండే ఈనెల అమరికను ఏమంటారు? – సమాంతర ఈనెల వ్యాపనం (Parallel venation).
63. ఆకులు నీటిని ఆవిరి రూపంలో విడుదల చేసే ప్రక్రియ ఏది? – భాష్పోత్సేకం
64. కిరణజన్య సంయోగక్రియకు ఏమి అవసరం?-సూర్యరశ్మి, కార్బన్ డై ఆక్సైడ్, నీరు.
65. మొక్కలకు ఆహారం తయారు చేసే భాగం ఏది? – ఆకులు.
66. కిరణజన్య సంయోగక్రియలో ఏ వాయువు విడుదలవుతుంది? – ఆక్సిజన్.
67. మొక్కకు ఆధారాన్నిచ్చి, నేల నుండి నీటిని గ్రహించే భాగం ఏది? – వేరు (Root).
68. ఒక ప్రధాన వేరు మరియు దానికి పార్శ్వ వేర్లు ఉంటే దానిని ఏమంటారు? – తల్లివేరు (Taproot).
69. అన్నీ ఒకేలా ఉండే వేర్ల సమూహాన్ని ఏమంటారు? – పీచువేర్లు (Fibrous roots).
70. జాలాకార ఈనెల వ్యాపనం ఉన్న మొక్కలలో ఏ వేరు వ్యవస్థ ఉంటుంది? – తల్లివేరు వ్యవస్థ.
71. సమాంతర ఈనెల వ్యాపనం ఉన్న మొక్కలలో ఏ వేరు వ్యవస్థ ఉంటుంది? – పీచువేరు వ్యవస్థ.
72. పువ్వులోని ఆకుపచ్చని ఆకుల లాంటి నిర్మాణాలను ఏమంటారు? – రక్షక పత్రాలు
73. పువ్వులోని ఆకర్షణీయమైన రంగుల భాగాలను ఏమంటారు? – ఆకర్షక పత్రాలు
74. పువ్వులోని పురుష ప్రత్యుత్పత్తి భాగాన్ని ఏమంటారు? – కేసరం (Stamen).
75. పువ్వులోని స్త్రీ ప్రత్యుత్పత్తి భాగాన్ని ఏమంటారు? – అండకోశం (Pistil).
76. అండకోశం కింది భాగంలో ఉబ్బి ఉన్న భాగాన్ని ఏమంటారు? – అండాశయం
77. అండాశయంలోని చిన్న పూసల లాంటి నిర్మాణాలను ఏమంటారు? – అండాలు (Ovules).
78. మన శరీరంలో తల నుండి కాలి వరకు ఉండే ఎముకల నిర్మాణాన్ని ఏమంటారు? – అస్థిపంజరం
79. మానవ అస్థిపంజరంలో పుట్టినప్పుడు ఎన్ని ఎముకలు ఉంటాయి?- సుమారు 305.
80. వయోజనులలో ఎముకల సంఖ్య ఎంతకు మారుతుంది? – సమాధానం: 206.
81. రెండు లేదా అంతకంటే ఎక్కువ ఎముకలు కలిసే చోటుని ఏమంటారు? – కీలు
82. భుజం మరియు తుంటి భాగంలో ఏ రకమైన కీలు ఉంటుంది? – బంతి గిన్నె కీలు
83. తలను మెడతో కలిపే కీలు ఏది? – బొంగరపు కీలు (Pivotal joint).
84. మోచేయి మరియు మోకాళ్లలో ఉండే కీలు ఏది? – మడతబందు కీలు
85. కదలని కీళ్లను ఏమంటారు? – కదలని కీళ్లు (Fixed joints).
86. పై దవడ మరియు తల మధ్య ఉండే కీలు ఏ రకమైనది? – కదలని కీలు.
87. గుండె, ఊపిరితిత్తులను రక్షించే ఎముకల నిర్మాణాన్ని ఏమంటారు? – పక్కటెముకల గూడు
88. వెన్నెముక ఎన్ని చిన్న ఎముకలతో తయారవుతుంది? – 33 వెన్నుపూసలు
89. ఎముకల వలె కఠినంగా లేకుండా, వంచగలిగే అస్థిపంజర భాగాన్ని ఏమంటారు? – మృదులాస్థి
90. ఎముకల కదలికకు ఏవి సహాయపడతాయి? – కండరాలు (Muscles).
91. వానపాము (Earthworm) దేని సహాయంతో కదులుతుంది? – కండరాలు మరియు కేశాలు
92. నత్త దేని సహాయంతో కదులుతుంది? – కండర పాదం (Muscular foot).
93. బొద్దింకకు ఎన్ని జతల కాళ్లు ఉంటాయి? – మూడు జతలు.
94. పక్షులు గాలిలో ఎగరడానికి వాటి ఎముకలు ఎలా ఉంటాయి? – బోలుగా మరియు తేలికగా ఉంటాయి.
95. చేపలు నీటిలో ఈదడానికి వీలుగా వాటి శరీరాకృతి ఎలా ఉంటుంది? – పడవ ఆకారం లేదా స్ట్రీమ్‌లైన్డ్
96. చేపలు నీటిలో దిశను మార్చుకోవడానికి ఏవి సహాయపడతాయి? – రెక్కలు (Fins) మరియు తోక.
97. పాము ఎలా కదులుతుంది? – శరీరాన్ని లూప్స్ (Loops) గా మడిచి నెట్టుకుంటూ ముందుకు వెళుతుంది.
98. జీవులు సహజంగా నివసించే ప్రదేశాన్ని ఏమంటారు? – ఆవాసం (Habitat).
99. ఆవాస వాతావరణానికి అనుగుణంగా జీవులు మార్చుకునే లక్షణాలను ఏమంటారు? – అనుకూలనం
100. నేల మీద నివసించే జీవుల ఆవాసాన్ని ఏమంటారు? – భౌమ ఆవాసం
